संजय दत्तचा अमेरिकेतील फोटो पाहून विश्वास बसणार नाही.
मुंबई : अभिनेता संजय दत्त फुफ्फुसाच्या कर्करोगावर सध्या अमेरिकेत उपचार घेत आहे. यातच संजूबाबाचा उपचारा दरम्यानचा फोटो सोशल मिडीयावर व्हायरल झाला आहे. यामध्ये संजूबाबाच्या तब्येतीत खूपच फरक पडला असल्याचे दिसत आहे.त्याची तब्येत बारीक झाली आहे. या फोटोमुळे संजूबाबाचे फॅन चिंतेत आहेत.
संजूबाबाचा अमेरिकेतला फोटो व्हायरल झाला आहे. यात तो एका आरोग्य कर्मचाऱ्यासमवेत आहे. त्यात तो उभा असून कॅमेऱ्याकडे पाहत आहे खरा. पण कर्करोगाच्या उपचारांनी त्याची तब्येत पुरती हादरली आहे. संजूबाबा असा इतका बारीक दिसेल याचा विचारही कुणी केला नव्हता. त्याचा हा फोटो व्हायरल झाल्यानंतर सोशल मिडीयावर प्रतिक्रिया येऊ लागल्या आहेत. संजय दत्त यात अत्यंत बारीक वाटत नसला तरी त्याची तब्येत कमालीची बारीक झाली आहे. त्याचे हात, खांदे.. आणि एकूणच तब्येतीवर परिणाम झाला आहे.
सध्या अमेरिकेत संजूबाबा उपचार घेतो आहे. त्याला फुप्फुसाचा कर्करोग झाला आहे. त्याला सुरुवातीला श्वसनाचा त्रास सुरु झाला. म्हणून त्याची कोविड चाचणी केली गेली. पण ती निगेटिव्ह आली. त्यानंतर केलेल्या निदानातून त्याला कर्करोग झाल्याचं निष्पन्न झालं. त्यावेळी त्याचा सडक ऐन रिलीजवर होता. सुशांत सिंह राजपूतच्या मृत्यूनंतर नेपोटिझमच्या मुद्दयाने उचल खाल्ली होती. त्यात सडक बॅन करायची चर्चा होती. महेश भट्ट, अलिया भट्ट, संजय दत्त ही सगळी स्टार पुत्रांची फॅमिली या सिनेमाशी बांधली गेल्याने हा राग होता. असं असताना हा सिनेमा ओटीटीवर यायला काही दिवस उरले असताना संजय दत्तला कर्करोगाचं निदान झालं. सुरुवातीला हा स्टंट आहे की, काय असंही बोललं गेलं. पण नंतर ही वार्ता खरी ठरली आहे.
